د ملي دفاع وزارت وايي، چې د هېواد په بېلابېلو سيمو كې د امنيتي او دفاعي ځواكونو په ګډو عملياتو كې دوه وسله وال مخالفين وژل شوي او څلور تنه نور ټپيان دي.
د دې وزارت له مطبوعاتي دفتره نن خپره شوې خبرپاڼه كې راغلي، چې دا عمليات د هوايي او توپچي ځواكونو په ملاتړ په تېرو ۲۴ ساعتونو كې د ننګرهار، كاپيسا، اروزګان، كندهار، هلمند او كندوز ولايتونو په مربوطاتو كې ترسره شوي دي.
په خبرپاڼه كې د امنيتي ځواكونو د مرګ ژوبلې په اړه څه نه دي ويل شوي.
د دولت وسله والو مخالفينو تراوسه په دې تړاو څه نه دي ويلي.
