ډيورنډ فرضي کرښې ته څېرمه قبايلي سيمې پاړا چنار کې د پرونۍ چاودنې د تلفاتو شمېر زيات شوى دى.
امنيتي چارواكو تېره ورځ ناوخته وويل، په دې بمي چاودنه كې د وژل شويو كسانو شمېر ۲۴ ته رسېدلی او ۵۵ تنه ټپيان په روغتونونو کې تر درملنې لاندې دي.
پاکستاني رسنۍ وايي، چاودنه پرون سهار د کورمې اېجنسۍ د مرکز پاړا چنار په سبزي منډوي کې هغه مهال وشوه، چې د خلکو ګڼه ګوڼه زياته وه.
د امنيتي چارواكو په وينا، چاودېدونکي توكي د سبزي په يوې بوجۍ کې ځاى پر ځاى شوي وو او د ريموټ کنټرول په واسطه الوځول شوي دي.
د يادونې وړ ده، چې تر دې مخکې هم په دې بازار کې څو چاودنې شوي، چې له كبله يې ګڼ شمېر خلکو ته مرګ ژوبله اوښتې ده.
