د بلجيم پايتخت بروکسل کې د پوليسو له خوا پلټونکو عملياتو کې درې شکمن کسان نيول شوي دي.
چارواکي وايي، ياد کسان يې د بروکسل په مولن بيک سيمه کې د ترهګريزو کړنو په تور نيولي دي.
د بلجيم پوليسو هغه راپورونه رد کړل، چې ګواکې له يادو کسانو سره يې وسلې هم نيولې دي.
دغه کسان په يو اپارتمان کې نيول شوي دي.
بايد ياده شي، چې په بلجيم کې له تېرو دوو کلونو راهيسې خونړيو ترهګريز بريدونو کې لسګونو کسانو ته مرګ ژوبله اوښتې، چې تر ډېره يې داعش وسله والې ډلې مسووليت منلى دى.
