د نړۍ ستر اسلامي مبلغ ډاکټر ذاکر نايک په نوي ډيلي کې محکمې څخه غوښتي، چې پر ده لګېدلي بنديزونه لرې کړي.
د ذاکر نايک د اسلامي مرستو بنسټ (آى آر اېف) چارواکو په نوي ډيلي کې دا غوښتنه وروسته له هغې کړې، چې هندي حکومت پر ذاکر نايک تور پورې کړى، چې د هند په ضد يې يو لړ څرګندونې کړې دي.
ذاکر نايک، چې دا مهال له هنده بهر دى، پر ده لګېدلي تورونه رد کړي دي.
هندي حکومت د ذاکر نايک ټولو مالي سرچينو څخه ترلاسه شوې پيسې کنګل کړي او د څېړنو امر يې کړى دى.
