د ننګرهار عامې روغتيا رياست له لوري تېره ورځ د دغه ولايت په مرکز جلال اباد ښار کې څلور خصوصي روغتونونه د بېلابېلو ستونزو له كبله وتړل شول.
په جلال اباد ښار کې د بي بي فاطمة الزهرا ولايتي روغتون امر ډاکټر حکمت الله عرب کليد ته وويل، چې په ننګرهار ولايت کې د صحي چارو د بهبود او خصوصي سکټور د روغتيايي چارو د ښه والي په هدف هره ورځ بررسي ترسره کوي.
دا په داسې حال کې ده، چې سلاکار وزير او د ننګرهار والي محمد ګلاب منګل د دې ولايت د عامې روغتيا رئيس ته لارښوونه وکړه، چې په جلال اباد ښار کې د روغتيايي خدمتونو وړاندې کوونکو ادارو څخه هر اړخيزه څارنه ترسره کړي.
