د هلمند په مرکز لښکرګاه کې نن له غرمې مخكې شاوخوا يوولس بجې ځانمرګى بريد شوی، چې په ترڅ کې يو پوليس وژل شوى او درې نور ټپيان دي.
د هلمند د والي وياند عمر ځواک وايي، چې دا ځانمرګى بريد د هلمند- کندهار پر لويه لار د ٦٠١ سړک په سيمه کې شوى او هدف يې د امنيې قوماندانۍ د امنيت امر و.
د ځواك په وينا، بريد کوونکى په موټر کې ناست و او موټر يې له چاودېدونکو توکو ډک کړى و.
د بريد مسووليت تراوسه چا پر غاړه نه دى اخيستى.
