د ننګرهار ولايت د سره رود ولسوالۍ په سلطانپور سيمه کې پوليسو د پلټنې په مهال له يوه زوړ کور څخه مهمات، چاودېدونکي توکي او ماينونه ترلاسه کړي دي.
د ننګرهار ولايت د رسنيو دفتر وايي، په ترلاسه شويو توكو كې دوه توغندي، درې پرسونل ضد ماينونه، پنځه سوه کيلو ګرامه چاودېدونکي توکي او ځينې نور مهمات شامل دي.
د سرچينې د معلوماتو له مخې، دغه چاودېدونکي توکي په ياده کلا کې د وسله والو مخالفينو له لوري ځای پر ځای شوي وو او غوښتل يې په تخريبي کړنو کې ترې کار واخلي، چې پوليسو کشف او ترلاسه کړل.
د دولت وسله والو مخالفينو تراوسه په دې اړه څه نه دي ويلي.
