د ننګرهار امنيۍ قوماندانۍ د استخباراتو مديريت کار کوونکو د کډوالو چارو رياست مامورينو په همکارۍ هغه څلور تنه نيولي، چې غوښتل يې په جعلي فورمو له کډوالو چارو رياست څخه پيسې واخلي.
د ننګرهار ولايت مقام د رسنيو دفتر وايي، نيول شوي کسان نور محمد، شېر افضل، تقديرالله او انعام الله نومېږي، چې د پچيراګام ولسوالۍ اوسېدونکي دي.
دا لومړى ځل دى، چې په ننګرهار ولايت کې په جعلي فورمو د کډوالو لپاره د ځانګړو شويو مرستو ترلاسه کولو هڅه کېږي .
