په پكتيا ولايت كې امنيتي ځواكونو ۶۸۷ کيلو ګرامه نشه يي توکي له دوه تنو عاملينو او يو عراده موټر سره نيولي دي.
د پکتيا چارواکو نيول شوي نشه يي توکي له عاملينو سره يوځاى رسنيو ته وښودل.
د دې ولايت والي زلمي ويسا وويل، دغو کسانو غوښتل، چې ياد نشه يي توكي له جلال اباد ښار څخه غزني ولايت ته انتقال کړي، چې د امنيتي ځواکونو لخوا د ګردېز ښار په مربوطاتو کې ونيول شول.
والي ډاډ ورکړ، چې د نشه يي توكو په ضد د دوى مبارزه جدي ده او دوى به په پكتيا ولايت کې د دغو توكو او قاچاقبرانو خلاف هڅې ګړندۍ کړي.
