د هند په يو شمېر سيمو کې د سمندري طوفان او باران له كبله خلكو ته د مالي زيانونو ترڅنګ ځاني تلفات هم اوښتي دي.
هندي چارواکي وايي، له څو ورځو راهيسې د تامل ناډو او اترا پردېش ايالتونو ساحلي سيمو کې د سمندري طوفان له كبله لږ تر لږه څلور کسان وژل شوي او لسګونه نور ټپيان دي.
ژغورونکو ويلي، چې ساحلي سيمو څخه يې تراوسه پنځلس زره کسان نورو سيمو ته انتقال کړي دي.
په تامل ناډو او ا ترا پردېش کې لس ورځنى بېړنى حالت اعلان شوى دى .
په يو شمېر سيمو کې الوتنې ځنډول شوي، د مسافرو پر مخ لويې لارې تړل شوي او ځينې دولتي ادارې هم رخصت اعلان شوې دي.
هندي حکومت دا طوفان له څو کلونو راهيسې تر ټولو سخت طوفان نومولى دى.
