راپورونه وايي، د نايجيريا د شمالي ښار امريتا په يو بازار کې د دوو ځانمرګو بريدونو له كبله پنځه څلوېښت کسان وژل شوي دي.
د راپورونو پر بنسټ، په دې بريدونو کې ۳۳ کسان ټپيان شوي هم دي.
روغتيايي چارواکو ويلي، چې ښايي د وژل شويو کسانو شمېر تر دې هم واوړي.
د يادو بريدونو مسووليت د بوکو حرام ډلې وسله والو پر غاړه اخيستى دی.
په نايجيريا کې د بوکو حرام وسله واله ډله فعاله ده، چې د دغه هېواد له ځواکونو سره کله ناکله خونړۍ نښتې کوي.
