د بنګلديش غوره ليګ يا BPL كركټ لوبې نن د ۳ افغان لوبغاړو په ګډون پيل شوې.
د كركټ بورډ د رسنيو امر سعيد زابلي كليد ته وويل، په دغو لوبو كې درې افغان لوبغاړي محمد نبي عيسى خېل د چيتاګونګ كېنګز، شهزاد محمدي د رنګپور رايډرز او راشد ارمان د كومېلا وېكټورينز لوبډلو په ګټه لوبېږي.
د بنګلديش غوره ليګ لوبې شل اوريزې دي او هره ورځ دوه دوه لوبې ترسره كېږي.
دغه لوبو ته د افغانستان تر څنګ، د انګلستان، سريلانكا، پاكستان او ويسټ انډيز كركټ لوبغاړي هم د بېلا بېلو لوبډلو له لوري ور بلل شوي دي.
