د چين په شمال لوېديځ کې د درنې چاودنې له كبله ۷ تنه وژل شوي او ۹۰ تنه نور ټپيان شوي دي.
راپورونه وايي، دا چاودنه د شانزي ايالت په يو کور کې شوې ده.
د ځينو ټپيانو روغتيايي حالت نازک ښودل شوى دى.
ځايي چارواکو ويلي، تراوسه يې د چاودنې علت نه دى معلوم کړى.
په دې چاودنه کې شاوخوا ودانيو ته هم سخت زيان اوښتى دى.
پوليسو ويلي، چې ښايي په ياد کور کې اور بلېدونکي کېمياوي مواد موجود وو.
بايد ياده شي، چې تېر کال هم د چين په تيانجن ښار کې د يو شمېر چاودنو له كبله ۱۶۵ تنه وژل شوي وو.
