راپورونه وايي، د امريکا په کليفورنيا ايالت کې د ټرافيکي پېښې له كبله ۱۳ سيلانيانو خپل ژوند له لاسه ورکړى دى.
پوليسو ويلي، د سيلانيانو بس موټر د ګړندي تګ له كبله له يوې لارۍ سره جنګېدلى، چې له كبله يې يو شمېر کسان ټپيان شوي هم دي.
د ځينو ټپيانو روغتيايي حالت نازک ښودل شوى دى.
چارواکو ويلي، ياد بس له سالټن څخه لاس اېنجلس ته روان و، چې له دې پېښې سره مخ شو.
د پېښې سيمه د ټرافيکو پر مخ تړل شوې او د پېښې د څرنګوالي په اړه څېړنې پيل شوې دي.
