د فيليپين جمهور رييس رودريګو ديوتيرتي وايي، په چين کې يې چې ويلي و، له امريکا څخه جلا کېږي، موخه يې دا نه وه، چې غواړي د امريکا سره اړيکې وشلوي، ځکه چې د هغه په وينا دا يې د هيواد په ګټه ده، چې د امريکا سره اړيکې وپالي.
هغه چې د جمعې به ورځ د فلپين د داوو په ښار کې خبرې کولې وويل، چې د امريکا سره خپلې اړيکې نه خرابوي ځکه د فيليپين خلګ ورته چمتو نه دي.
ديوتيرتي روانه اونۍ په بيجنګ کې په يوې اقتصادي غونډه کې ګډون وکړ.
هغه دغلته وويل، چې غواړي له امريکا څخه په اقتصادي او نظامي برخو کې ځان جلا کړي.
