جمهور رييس غني وايي، که چېرته وزير، رييس او هر بل مقام ښځو ته په بده سترګه وګوري، سم د لاسه به له دندې لرې شي.
جمهور رييس دغه څرګندونې تېر ماښام “ د ښځو له پاره په لوړو دولتي مقامونو کې د متحولې رهبرۍ” په نوم غونډه کې د ګډون پرمهال وکړې.
هغه ښځو ته د ډاډمن کاري چاپېريال د رامنځته کولو په اړه وويل، که چېرته وزير، رييس او هر بل مقام ښځو ته په بده سترګه وګوري، سم د لاسه به له دندې لري شي.
جمهور رييس ټينګار وکړ، چې حکومت په هېڅ ډول د ښځو په برخه کې له کړيو ژمنو نه شي په شا کېدای.
اشرف غني زياته کړه، د دې اړتيا ده، چې د ښځو او نارينه وو ترمنځ د بارو او درناوي فضا موجوده وي.
