امريکا يو ځل بيا له پاکستانه وغوښتل، چې پخپله خاوره كې دې د ترهګرو ځالې له منځه يوسي.
د امريکا د بهرنيو چارو وزارت مرستيال وياند مارک ټونر په يوه خبري کنفرانس کې غوښتنه وکړه، چې پاکستان ته پکار دي، په دغه هېواد کې د ترهګرو په تعقيب پسې هڅې ګړندۍ کړي.
مارک ټونر وايي، چې په پاکستان کې د ترهګرو د موجوديت له كبله نه يوازې پاکستان، بلکې نورې نړۍ ته هم خطر متوجه دى او په دې برخه کې به له پاکستان سره هلو ځلو ته دوام ورکړي.
نوموړي په ټينګار سره وويل، پر پاکستان به فشار راوړي، چې د ټولو ترهګرو په ضد يو شان عمل وکړي.
دا څرګندونې په داسې حال کې ترسره کېږي، چې تر دې وړاندې هم امريکا له پاکستانه غوښتي، چې پخپله خاوره كې دې په ريښتيني ډول ترهګر وځپي.
کلید ګروپ په ټویټر او فیسبوک کې وګورئ
