پاناسونيک کمپنۍ، تر ټولو روڼ ټلويزيون پخوا لا بازار ته وړاندې کړی و، خو اوس يې وکولای شو، داسې لوړ کيفيت والا ټلويزيون بازار ته راوباسي چې هاخوا ترې هرڅه ښکاري.
د دغه ټلويزيون انځور حتى په داسې حال کې، چې شا ته يې د تېز لمر وړانګې هم وي، سم ښکاري.
د تصوير په تياره کولو هم دا وړتيا لري، چې د عامو ټلويزيونونو په پرتله سم او روښانه انځور ښکاره کړي؛ خو چې ګول شي، نو بيا داسې دی، لکه يوه عادي ښيښه، چې شاته ترې هرڅه ښکاري.
پاناسونيک کمپنۍ وايي، چې د دغه ټلويزيون د کيفيت د لا لوړولو له پاره لا څو کاله کار ته اړتيا ده.
کلید ګروپ په ټویټر او فیسبوک کې وګورئ
