روسيې يو شمېر نورې سوخو ۲۴ او سوخو ۳۴ ډوله جنګي الوتکې د سوريې نظامي اډې حميم ته لېږلې دي.
ايزوستيا ورځپاڼې د روسي چارواکو له قوله ويلي، چې يادې الوتکې به په سوريه کې د داعش په ضد جګړه کې برخه اخلي.
په همدې حال کې يوه روسي چارواكي سوريې ته د نويو جنګي الوتکو د لېږلو علت په دغه هېواد کې د امريکا له لوري له شوي اوربند څخه سرغړونه بللې ده.
بل خوا کې امريکا او متحدينو يې د سوريې په حلب ښار د روسي الوتکو بمبارۍ يو ستر جنايت بللى او د بندېدو غوښتنه يې کړې ده.
په سوريه کې دا مهال د بشارالاسد له حکومته روسيه ننګه کوي، خو بل لور ته بيا امريکا د سوريې وسله والو مخالفو ډلو سره مالي او پوځي همکاري لري.
کلید ګروپ په ټویټر او فیسبوک کې وګورئ
