نن به د افغانستان او بنګله دېش کرکټ لوبډلو ترمنځ د درېيو يو ورځنيو سياليو د لړۍ درېيمه لوبه په ډاكه كې ترسره شي.
دا لوبه به د افغانستان په وخت له غرمې وروسته يوه بجه پيل شي.
د دې لړۍ لومړۍ لوبه د تېرې يكشنبې په ورځ ترسره شوه او بنګله دېش له افغانستان څخه د اوو منډو په توپير وګټله. خو دويمه لوبه چې د چهار شنبې په ورځ تر سره شوه افغان ملي لوبډلې وکولای شو چې بنګله دېش لوبډلې ته ماته ورکړي.
نننۍ لوبه د دې لړۍ وروستۍ لوبه ده، که هرې لوبډلې دا لوبه وګټله د دې سياليو د اتلولۍ جام به خپل کړي.
کلید ګروپ په ټویټر او فیسبوک کې وګورئ
