نن به د افغانستان او بنګله دېش کرکټ لوبډلو ترمنځ د درېيو يو ورځنيو سياليو د لړۍ دويمه لوبه په ډاكه كې ترسره شي.
دا لوبه به د افغانستان په وخت له غرمې وروسته يوه بجه پيل شي.
د کرکټ ملي لوبډلې روزونکى رييس احمدزى وايي، چې شايد له بنګله دېش سره د نننۍ لوبې له پاره په افغان لوبډله کې ځينې تغيرات راشي.
د دې لړۍ لومړۍ لوبه د تېرې يكشنبې په ورځ ترسره شوه او بنګله دېش له افغانستان څخه د اوو منډو په توپير وګټله.
د دواړو هېوادونو ترمنځ درېيمه لوبه د اكټوبر مياشتې په لومړۍ نېټه ترسره كېږي.
کلید ګروپ په ټویټر او فیسبوک کې وګورئ
