د پاكستان د يوې جنګي الوتکې د غورځېدو پېښه کې د الوتکې پيلوټ وژل شوى دى.
پاكستاني چارواكي وايي، ياده الوتکه پرون په قبايلي سيمې خيبر اېجنسۍ کې غورځېدلې ده.
د پاکستان د هوايي ځواکونو وياند محمد وسيم رسنيو ته ويلي، چې دغه الوتکه تر پرواز وروسته د خيبر اېجنسۍ جمرود سيمه کې غورځېدلې، پيلوټ يې وژل شوى او نور چا ته زيان نه دى اوښتى.
د الوتکې د سقوط علت تخنيکي ستونزې يادې شوي او په اړه يې د پلټنو امر شوى دى.
