په داسې حال کې، چې د افغان حکومت او وسله والو طالبانو ترمنځ د سولې خبرې په ټپه درېدلې دي، د طالبانو پخواني وزير اغاجان معتصم هيله ښودلې، چې چين ته د وسله والو طالبانو د پلاوي د وروستي سفر په ترڅ کې طالبان د سولې مذاکراتو ته غاړه کېږدي.
د اېکسپرېس ټريبيون ورځپاڼې د رپوټ له مخې، ملا معتصم ويلي، چې وسله وال طالبان غواړي له افغان حکومت سره خبرې وکړي، چې په وينا يې افغان حكومت هم بايد په دې اړه تصميم ونيسي. په داسې حال کې، چې د افغان حکومت او وسله والو طالبانو ترمنځ د سولې خبرې په ټپه درېدلې دي، د طالبانو پخواني وزير اغاجان معتصم هيله ښودلې، چې چين ته د وسله والو طالبانو د پلاوي د وروستي سفر په ترڅ کې طالبان د سولې مذاکراتو ته غاړه کېږدي.
د اېکسپرېس ټريبيون ورځپاڼې د رپوټ له مخې، ملا معتصم ويلي، چې وسله وال طالبان غواړي له افغان حکومت سره خبرې وکړي، چې په وينا يې افغان حكومت هم بايد په دې اړه تصميم ونيسي.
د طالبانو دغه پخواني چارواکي ويلي، چې چين کولى شي د افغان سولې په اړه منځګړيتوب وکړي.
نوموړي په داسې حال کې څرګندونې کړې دي، چې تېره مياشت چين ته د طالبانو د قطر د دفتر يو پلاوي سفر کړى و او له چينايي چارواکو سره يې ليدلي و.
