د سيمه ييزو ارګانونو خپلواکه اداره وايي، چې د ښځو په وړاندې د تاوتريخوالي موضوعاتو د حل او کموالي په هدف يې له عامې روغتيا، کورنيو چارو او ښځو چارو وزارتونو او لويې څارنوالۍ سره په ګډه هلې ځلې پيل کړې دي.
د دغې ادارې مطبوعاتي دفتر په خپره کړې خبرپاڼه کې ويلي، چې دغه څرګندونې پرون د سيمه ييزو ارګانونو د خپلواکې ادارې وياندې منيرې يوسفزاده د يادو ادارو له استازو او په کابل کې د ترکيې له سفير سره په ګډ مطبوعاتي کنفرانس کې کړې دي. د سيمه ييزو ارګانونو خپلواکه اداره وايي، چې د ښځو په وړاندې د تاوتريخوالي موضوعاتو د حل او کموالي په هدف يې له عامې روغتيا، کورنيو چارو او ښځو چارو وزارتونو او لويې څارنوالۍ سره په ګډه هلې ځلې پيل کړې دي.
د دغې ادارې مطبوعاتي دفتر په خپره کړې خبرپاڼه کې ويلي، چې دغه څرګندونې پرون د سيمه ييزو ارګانونو د خپلواکې ادارې وياندې منيرې يوسفزاده د يادو ادارو له استازو او په کابل کې د ترکيې له سفير سره په ګډ مطبوعاتي کنفرانس کې کړې دي.
نوموړې دغه راز ويلي، واليانو ته يې امر کړى، چې د ښځو په وړاندې د تاوتريخوالي هره قضيه دې په جدي ډول تعقيب او رپوټ دې يې مرکز سره شريک کړي او دغه راز يې د واليانو په مشرۍ د ښځو په وړاندې د تاوتريخوالي مخنيوي ولايتي کمېټې هم جوړې کړې دي.
د يادولو وړ ده، چې په دې وروستيو کې په هېواد کې د ښځو په وړاندې د تاوتريخوالي د پېښو رپوټونه زيات شوي، چې د شمالي ولايتونو وروستۍ ځينې پېښې يې ډېرې اندېښمنوونکې دي.
