د ملي یووالي حکومت اجرایه رئيس یو ځل بیا د دهمزنګ د پيښې له قربانیانو سره خواخوږي وکړه او د دغې پيښې د عاملینو د پيدا کولو ډاډ یې ورکړ.
په ورته وخت کې لویه څارنوالي وايي، د دغې پيښې د عاملینو د نیولو هڅې يې پيل کړي او ډير ژر به یې د قانون منګولو ته وسپاري.
د حکومت اجرایه رئيس ډاکټر عبدالله عبدالله نن د وزیرانو شورا په غونډه کې یوځل بیا ټینګار وکړ، چې حکومت د ټولو ولسونو روا غوښتنې مني او ورته به د پلان له مخې حل لارې ګوري. د ملي یووالي حکومت اجرایه رئيس یو ځل بیا د دهمزنګ د پيښې له قربانیانو سره خواخوږي وکړه او د دغې پيښې د عاملینو د پيدا کولو ډاډ یې ورکړ.
په ورته وخت کې لویه څارنوالي وايي، د دغې پيښې د عاملینو د نیولو هڅې يې پيل کړي او ډير ژر به یې د قانون منګولو ته وسپاري.
د حکومت اجرایه رئيس ډاکټر عبدالله عبدالله نن د وزیرانو شورا په غونډه کې یوځل بیا ټینګار وکړ، چې حکومت د ټولو ولسونو روا غوښتنې مني او ورته به د پلان له مخې حل لارې ګوري.
هغه د بریښنا په اړه د روښنايي غورځنګ لاریون حق وګاڼه او په دغه لاریون کي یې وروستی ځانمرګی برید یو ځل بیا وغانده.
عبدالله ډاډ ورکړ، چې د ملي یووالي حکومت په دې برخه کې غلی نه دی ناست او خپلې هڅې يې پيل کړې دي: ((، دا غوښتنه د عملي كېدو په حال كې ده، زه ټولو شهيدانو ته دعا كوم، ټولو هېوادوالو ته ډاډ وركوم، چې د افغانستان په هر ګوټ كې دوى غوښتنې مطرح كوي، د سيمو د محروميت په پام كې نيولو سره د حكومت لخوا اقدام كېږي.))
په ورته وخت کې لوی څارنوال فرید حمیدي هم نن په لویه څارنوالۍ کې د یو خبري کنفرانس پرمهال خبریالانو ته ډاډ وکړ، چې د دهمزنګ د پيښې په اړه یې پلټنې پیل کړې دي.
هغه وویل، چې ډير ژر به د دغې پيښې عاملین پیدا او د قانون منګولو ته به یې وسپاري.
د یادولو وړ ده، چې د روانې اوونۍ د شنبې په ورځ د کابل ښار په دهمزنګ سیمه کې د روښنایۍ غورځنګ د زرګونه اعتراض کوونکو په ډله کې داعش وسله والو دوه ځانمرګي بریدونه وکړل، چې له امله یې ۸۱ کسان ووژل او ۲۳۱ نور ژوبله دي.
