د افغانستان د كركټ بورډ په كوربه توب د افغانستان او هند د كركټ معلولينو ملي لوبډلو ترمنځ د دوستۍ جام د درېيو شل اوريزو لوبو لړۍ نن پيل شوه. دا لوبې د الکوزي – کابل نړيوال کرکټ لوبغالي کې ترسره كېږي.
د افغانستان د كركټ بورډ په كوربه توب د افغانستان او هند د كركټ معلولينو ملي لوبډلو ترمنځ د دوستۍ جام د درېيو شل اوريزو لوبو لړۍ نن پيل شوه.
دا لوبې د الکوزي – کابل نړيوال کرکټ لوبغالي کې ترسره كېږي.
په لومړۍ لوبه كې هندي لوبډلې په ټاكل شويو ۲۰ اورونو كې د دوو لوبغاړو په سوځېدو ۱۶۱ منډې جوړې كړې، خو افغان لوبډلې په ۲۰ اورونو كې د نهو لوبغاړو په سوځېدو ۱۴۵ منډې جوړې كړې او لوبه د ۱۶ منډو په توپير د هندي لوبډلې په ګټه پاى ته ورسېده.
د افغانستان د كركټ بورډ وياند فريد هوتك كليد ته وويل، چې د دغو سياليو لپاره د هېواد د پنځو زونونو د كركټ معلولينو لوبډلو ترمنځ له لوبو وروسته افغان لوبډله ټاكل شوې ده.
د هغه په وينا، د افغانستان او هند د كركټ معلولينو ملي لوبډلو ترمنځ دويمه لوبه به سبا او درېيمه به د راتلونكې دوشنبې په ورځ ترسره شي.
د يادو لوبو د پرانيستې په مراسمو كې د معلولينو د سرتاسري شورا مشر مسعود ساپي خوښي وښوده، چې د افغانستان معلولينو ته د کرکټ بورډ له خوا د لوبو کولو فرصت برابر شوى دى.
هغه وويل، که چېرته معلولينو ته اسانتياوې او امکانات برابر شي، دوى کولى شي چې د هېواد د نورو وګړو په څېر د ژوند په هر ډګر کې خدمت وکړي.
کلید ګروپ په ټویټر او فیسبوک کې وګورئ
