د کورنیو چارو وزارت امنیتي معین ستر پاسوال عبدالرحمن رحمن د ننګرهار له والي سره په ليدنه كې ويلي، وزارت يې په پام کې لري په ختيځ زون او په ځانګړي توګه ننګرهار کې سرحدي ځواکونه لا تجهیز او پياوړي کړي.
د دغې ليدنې په اړه د ننګرهار ولایت له مطبوعاتي دفتره کلید ته په راستول شوې خبرپاڼه کې راغلي، چې ستر پاسوال رحمن له والي سره په کتنه کې دغه راز وویل، چې د ننګرهار او کونړ له سرحدي پوستو یې لیدنه کړې او هلته د شته سرحدي پولیسو مورال قوي دی. د کورنیو چارو وزارت امنیتي معین ستر پاسوال عبدالرحمن رحمن د ننګرهار له والي سره په ليدنه كې ويلي، وزارت يې په پام کې لري په ختيځ زون او په ځانګړي توګه ننګرهار کې سرحدي ځواکونه لا تجهیز او پياوړي کړي.
د دغې ليدنې په اړه د ننګرهار ولایت له مطبوعاتي دفتره کلید ته په راستول شوې خبرپاڼه کې راغلي، چې ستر پاسوال رحمن له والي سره په کتنه کې دغه راز وویل، چې د ننګرهار او کونړ له سرحدي پوستو یې لیدنه کړې او هلته د شته سرحدي پولیسو مورال قوي دی.
د پاسوال رحمن په وینا کورنیو چارو وزارت په پلان کې لري، چې په ټول ختیځ زون او په ځانګړي ډول ننګرهار کې سرحد ساتونکی ځواک لا پياوړی او تجهیز کړي.
د یادولو وړ ده، چې ختیځو ولایتونو ته د کورنیو چارو وزارت د دغه چارواکي د سفر موخه د ملي، سیمه ییزو او سرحدي پولیسو له مشکلاتو خبریدل او ارزول په ګوته شوي دي.
