د ننګرهار ولایت چارواکي وايي، کوټ او اچین ولسوالیو کې د څلورو بهرنیو وګړو په ګډون ۱۴ داعش وسله والو مخالفینو ته مرګ ژوبله اوښتې.
د ننګرهار ولایت له مطبوعاتي دفتره کلید ته په راستول شوې خبرپاڼه کې راغلي، چې تېره ورځ ګډو امنیتی ځواکونو د کوټ ولسوالی اړوند د لاغرجوی په سیمه کې د داعش وسله والې ډلې په پټنځاینونو د توپچي بریدونه ترسره کړي چې په ترڅ کې يې ۷ تنه داعشیان وژل شوي او دوه تنه نور یې ټپیان شوي دي . د ننګرهار ولایت چارواکي وايي، کوټ او اچین ولسوالیو کې د څلورو بهرنیو وګړو په ګډون ۱۴ داعش وسله والو مخالفینو ته مرګ ژوبله اوښتې.
د ننګرهار ولایت له مطبوعاتي دفتره کلید ته په راستول شوې خبرپاڼه کې راغلي، چې تېره ورځ ګډو امنیتی ځواکونو د کوټ ولسوالی اړوند د لاغرجوی په سیمه کې د داعش وسله والې ډلې په پټنځاینونو د توپچي بریدونه ترسره کړي چې په ترڅ کې يې ۷ تنه داعشیان وژل شوي او دوه تنه نور یې ټپیان شوي دي .
په خبرپاڼه کې دغه راز راغلي چې د اچین ولسوالۍ په مامند درې سیمه کې د بهرنیو ځواکونو د هوایي برید په ترڅ کې د څلور بهرنیانو په ګډون پنځه داعش وسله وال وژل شوي او د دوی یو میل دهشکه هم له منځه تللې ده .
په ترسره شويو هوایي او توپچي بریدونو کې ملکي وګړو او امنیتي ځواکونو ته کوم زیان نه دی اوښتی.
بلخوا داعش وسله والو په دې اړه څه نه دي ویلي.
