د هلمند والي حيات الله حيات وايي، چې په نظامي برخه کې يې ژور بدلون رامنځته کړى دى. د نوموړي په وينا، د خپل ماموريت په دوه مياشتنۍ موده كې توانېدلى، د ۴۰۰ پوليسو هغه خيالي تشکيلات له منځه يوسي، چې هېڅ يې په هلمند ولايت كې شتون نه درلود.
د هلمند والي حيات الله حيات وايي، چې په نظامي برخه کې يې ژور بدلون رامنځته کړى دى.
د نوموړي په وينا، د خپل ماموريت په دوه مياشتنۍ موده كې توانېدلى، د ۴۰۰ پوليسو هغه خيالي تشکيلات له منځه يوسي، چې هېڅ يې په هلمند ولايت كې شتون نه درلود.
هغه دا څرګندونې نن د اختر له لمانځه وروسته وكړې او ويې ويل، د دوو میاشتو په موده کې د مرکزي حکومت په همکارۍ توانېدلى، چې د ټولو نظامي ارګانونو ترمنځ پوره همغږي رامنځته كړي.
حيات زياتوي، هغه ستونزې يې هم له منځه وړي، چې په هلمند ولایت کې د پولیسو او نورو امنيتي ځواكونو ترمنځ موجوې وې.
د هلمند والي وايي، له څه مودې راهيسې، چې په دې ولایت کې د خنجر ۰۱۳ په نوم عملیات پیل شوي، ښې لاسته راوړنې لري.
د نوموړي په خبره، دا عملیات په درېیو برخو وېشل شوي دي، چې اوس یې دوى په لومړۍ برخه کې دي او پلان لري، چې د دې عملیاتو لړۍ د ولایت شمالي ولسوالیو ته هم وغځول شي.
حيات له وسله والو طالبانو څخه غوښتنه وكړه، چې نور جګړې ته د نه ځواب ووایي، له ورور وژنې څخه لاس واخلي او د هېواد په جوړولو او ابادولو کې له خپلو وروڼو سره په ګډه کار وکړي.
کلید ګروپ په ټویټر او فیسبوک کې وګورئ
