د ننګرهار ولايت په کوټ ولسوالۍ کې د تېرې اونۍ په ترڅ کې ۲۲۵ داعش وسله وال وژل شوي او ۹۴ نور ټپيان شوي دي.
د ننګرهار له ولايت څخه په خپره شوې خبرپاڼه كې راغلي چې ياد داعش وسله وال چې په کې مهم کسان هم شته،د امنيتي ځواکونو د هوايي او ځمکنيو بريدونو په ترڅ کې وژل شوي دي. د ننګرهار ولايت په کوټ ولسوالۍ کې د تېرې اونۍ په ترڅ کې ۲۲۵ داعش وسله وال وژل شوي او ۹۴ نور ټپيان شوي دي.
د ننګرهار له ولايت څخه په خپره شوې خبرپاڼه كې راغلي چې ياد داعش وسله وال چې په کې مهم کسان هم شته،د امنيتي ځواکونو د هوايي او ځمکنيو بريدونو په ترڅ کې وژل شوي دي.
په کوټ کې د وروستيو عملياتو پر مهال ۴۵ کلي هم د داعش له شتون څخه پاک شوي دي.
سرچينه زياتوي، په کوټ کې د تېرې اونۍ پر مهال د داعش ډلې له لورې ۲۰ امنيتي منسوبين او ملکي وګړي وژل شوي او شل نور ټپيان دي.
دننګرهار چارواكي زياتوي چې په ياده ولسوالۍ کې به عمليات تر هغې دوام وکړي،ترڅو په بشپړ ډول سيمه د داعشيانو له شتون څخه نه وي پاکه شوې.
