د عراق لومړي وزير حيدر العبادي په فلوجه کې د داعش په ضد تر څلورو اونيو سختې جګړې وروسته د بريا اعلان کړى دى.
نوموړي پرون په دولتي ټلويزيون کې د خبرو په مهال ويلي، چې امنيتي ځواکونو د فلوجې ښار مرکزي برخې نيولي او په څو ساعتونو کې به يې شاوخوا سيمې هم له داعش وسله والو پاکې کړي.
په ورته وخت کې د امريکا په مشرۍ اتحادي ځواکونو ويلي، چې لا هم په فلوجه کې ځينې سيمې د داعش په کنټرول کې دي او د بشپړ نيولو لپاره يې وخت ته اړتيا شته. د عراق لومړي وزير حيدر العبادي په فلوجه کې د داعش په ضد تر څلورو اونيو سختې جګړې وروسته د بريا اعلان کړى دى.
نوموړي پرون په دولتي ټلويزيون کې د خبرو په مهال ويلي، چې امنيتي ځواکونو د فلوجې ښار مرکزي برخې نيولي او په څو ساعتونو کې به يې شاوخوا سيمې هم له داعش وسله والو پاکې کړي.
په ورته وخت کې د امريکا په مشرۍ اتحادي ځواکونو ويلي، چې لا هم په فلوجه کې ځينې سيمې د داعش په کنټرول کې دي او د بشپړ نيولو لپاره يې وخت ته اړتيا شته.
په عراق کې د مرسته کوونکو ادارو چارواکي وايي، چې د فلوجې د جګړې له كبله کابو ۵۳ زره کسان بې کوره شوي دي.
عراقي چارواکو دغه راز ويلي، چې سلګونو داعش وسله والو د ملکيانو په منځ کې له ښار څخه پښې سپکې کړې دي.
فلوجه په ۲۰۱۴ کال کې داعش وسله والې ډلې پخپله ولکه کې راوستې وه او مهم مرکز يې بلل کېده.
