هند وايي، چې په افغانستان کې يې ډيپلوماټيکې ادارې د داعش ډلې د بريد تر ګواښ لاندې دي، چې په وينا يې ښايي په دې برخه کې يادې ډلې سره د پاکستان ملاتړ هم وي.
اېشين اېج خبري شبکې د هندي چارواكو له قوله په خپور کړي رپوټ کې ويلي، چې دغه څرګندونې د هند د ملي امنيت سلاكار اجيت دوال يوه خبري ناسته کې کړې دي. هند وايي، چې په افغانستان کې يې ډيپلوماټيکې ادارې د داعش ډلې د بريد تر ګواښ لاندې دي، چې په وينا يې ښايي په دې برخه کې يادې ډلې سره د پاکستان ملاتړ هم وي.
اېشين اېج خبري شبکې د هندي چارواكو له قوله په خپور کړي رپوټ کې ويلي، چې دغه څرګندونې د هند د ملي امنيت سلاكار اجيت دوال يوه خبري ناسته کې کړې دي.
نوموړى د لومړي وزير نرېندرا مودي په غوښتنه له يو لوړپوړي پلاوي سره امريکا ته تللى او ياده اندېښنه يې له امريکايي چارواکو سره شريکه کړې ده.
هغه په زغرده ويلي، چې د پردې تر شا يو شمېر ترهګريزو ډلو سره په مستقيمه توګه د پاکستان استخباراتي اداره (آى اېس آى) لاس لري او ښايي داعش وسله والې ډلې سره يې هم اړيکې نيولې وي.
د هند د ملي امنيت سلاكار دا څرګندونې په داسې حال کې کړي، چې څه موده وړاندې پاکستان، هند په افغانستان کې له داعش وسله والې ډلې سره په لاس لرلو تورن کړ.
