د سرپل چارواكي وايي، نن سهار شا وخوا پنځه نيمې بجې د دې ولايت د سانچارك ولسوالي د امنيت مدير او د هغه د مرستيال په ګډون اووه تنه د طالبانو په يوه كمين كې وژل شوي دي. د سرپل چارواكي وايي، نن سهار شا وخوا پنځه نيمې بجې د دې ولايت د سانچارك ولسوالي د امنيت مدير او د هغه د مرستيال په ګډون اووه تنه د طالبانو په يوه كمين كې وژل شوي دي.
د سرپل د والي وياند ذبيح الله اماني كليد ته وويل، د امنيت مدير او مرستيال يې نن له يوې فاتحې وروسته ولسوالي ته په لاره وو چې د لنګر رضوان قل په سيمه كې د طالبانو له كمين سره مخ شول.
د ده په خبره، په دې نښته كې له دې دواړو پرته د ملي امنيت درې سرتيري، يو ملكي وګړى او يو ماشوم وژل شوي دي.
تر اوسه د دې بريد مسووليت چا نه دى منلى.
