خوشال فكري بهير او خوست ښاروالۍ د غبرګولي پنځلسمه د چاپېريال ساتنې د نړيوالې ورځې په توګه ونمانځله.
د نمانځنې په دغه غونډه کې ځوانانو، د پوهنتون استادانو، قومي مشرانو او د مدني ټولنې پر غړو سربېره د دولتي ادرو مسوولینو او استازو هم برخه اخیستې وه.
په غونډه کې لومړۍ د چاپيریال ساتنې د نړیوالې ورځې د ارزښت په اړه معلومات وړاندې شول او د چاپیریال ساتنې په ارزښت ټینګار وشو.
له غونډې وروسته د خوست له عامې روغتیا ریاست څخه تر الفتح لیسې پورې عامه سړک په ډله ييز ډول جارو او پاک كړاى شو.
خوشال فكري بهير او خوست ښاروالۍ د غبرګولي پنځلسمه د چاپېريال ساتنې د نړيوالې ورځې په توګه ونمانځله.
د نمانځنې په دغه غونډه کې ځوانانو، د پوهنتون استادانو، قومي مشرانو او د مدني ټولنې پر غړو سربېره د دولتي ادرو مسوولینو او استازو هم برخه اخیستې وه.
په غونډه کې لومړۍ د چاپيریال ساتنې د نړیوالې ورځې د ارزښت په اړه معلومات وړاندې شول او د چاپیریال ساتنې په ارزښت ټینګار وشو.
له غونډې وروسته د خوست له عامې روغتیا ریاست څخه تر الفتح لیسې پورې عامه سړک په ډله ييز ډول جارو او پاک كړاى شو.
په خوست کې د خوشال فکري بهیر یو تن استازي نصیر احمد روښان د دغې غونډې او كمپاين په اړه کلید ته وویل، د چاپېريال ساتنې د ورځې له نمانځلو او د اشر له راغوښتلو څخه یې موخه خلکو ته د پاک چاپیریال ارزښت په ګوته کول او دوی ته د عامه پوهاوي ورکول وو.
د نورو ګڼو کسانو ترڅنګ د خوست ښاروالۍ مسوولینو او ښاروال هم په دغه اشر او غونډه کې برخه اخیستې وه.
د خوست ښاروال انجینر عبدالبصیر محمدزی وایي، د ښاروالۍ ریاست د تنظیف کارکوونکي کم دي نو ولس ته په كار ده، چې د چاپیریال په ساتنه کې ورسره مرسته وکړي.
دا ورځ په خوست کې داسې مهال نمانځل کیږي، چې د چاپیریال ساتنې ادارې مسوولین د خوست ښار اوسنی چاپيریال د اندیښنې وړ بولي.
کلید ګروپ په ټویټر او فیسبوک کې وګورئ
