د ننګرهار ولايت د روداتو ولسوالۍ د کډۍ سيمې په زينو کلي کې تېره شپه په يو کور کې د چت لوېدو له كبله دوه ماشومان مړه او د يوې مېرمنې په ګډون دوه تنه ټپيان شوي دي.
د ننګرهار ولايت د روداتو ولسوالۍ د کډۍ سيمې په زينو کلي کې تېره شپه په يو کور کې د چت لوېدو له كبله دوه ماشومان مړه او د يوې مېرمنې په ګډون دوه تنه ټپيان شوي دي.
د ننګرهار د والي وياند عطاء الله خوږياڼي كليد ته وويل، دغه پېښه د زيات اورښت له كبله رامنځته شوې ده، چې په ترڅ کې يې د کور خاوند نصيب ګل او د هغه مېرمن ټپيان شوي او د نوموړي د مزمل په نوم دوه کلن زوى او د حسينې په نوم درې کلنه لور يې مړه شوي دي.
د هغه په وينا، د پېښې ټپيان د ننګرهار عامې روغتيا مرکزي روغتون ته د درملنې په هدف لېږدول شوي، چې روغتيايي حالت يې د ډاډ وړ دى.
بايد ياده شي، چې پرون د ننګرهار د شينوارو په يو شمېر ولسواليو کې سخت بارانونه شوي، چې له كبله يې په ځينو سيمو کې سېلابونه راوتلي.
کلید ګروپ په ټویټر او فیسبوک کې وګورئ
