د سرپل سيمه ييز چارواكي وايي، تېره ورځ د دولت وسلوالو مخالفينو د سرپل د بلخاب ولسوالۍ اوولس تنه اوسېدونكي چې د دغه ولايت مرګز ته روان وو د لارې په اوږدو كې نيولي او نامعلوم ځاى ته يې ليږدولي دي. د سرپل سيمه ييز چارواكي وايي، تېره ورځ د دولت وسلوالو مخالفينو د سرپل د بلخاب ولسوالۍ اوولس تنه اوسېدونكي چې د دغه ولايت مرګز ته روان وو د لارې په اوږدو كې نيولي او نامعلوم ځاى ته يې ليږدولي دي.
د سرپل د والي وياند ذبيح الله اماني كليد ته وويل، دغه تښتول شوي مسافر ټول ملكي وګړي وو او د سنچارك له ولسوالۍ څخه تښتول شوي دي.
اماني په ورته وخت كې وايي چې د دولت له وسلوالو مخالفينو سره د سيمې د قومي مشرانو خبرې روانې دي او د تښتول شويو كسانو د خلاصون لپاره هڅې كوي.
خو طالبانو لا تراوسه په دې اړه څه نه دي ويلي. د يادولو وړ ده چې له دې وړاندې طالبانو د بغلان كندز په لاره د سې شنبې په ورځ لسګونه مسافر تښتولي وو چې ډيرشمېر يې بيرته خوشې كړل، له دولسو ډېر كسان يې ووژل خو شاوخوا اته تنه لاهم ورك دي.
کلید ګروپ په ټویټر او فیسبوک کې وګورئ
