د ننګرهار ولايتي چارواکي وايي، د دې ولايت په اچين ولسوالۍ کې د داعش يو تن قومندان خپل ١١ ملګري وژلي او په خپله تښتېدلى دى د ننګرهار ولايتي چارواکي وايي، د دې ولايت په اچين ولسوالۍ کې د داعش يو تن قومندان خپل ١١ ملګري وژلي او په خپله تښتېدلى دى.
د ننګرهار د والي وياند عطاالله خوګياڼي كليد ته وويل، د داعش وسله والو د وژل کېدو پېښه تېره شپه د اچين ولسوالۍ د کرکڼۍ په سيمه کې شوې ده.
هغه زياته کړه چې په ياده سيمه کې د زمين جان په نامه د داعش يو سرګروپ چې په ابوبکر مشهور دى، پر خپلو ملګرو ډزې کړي او ١١ تنه يې وژلي دي.
د والي وياند وايي چې تر يادې پېښې وروسته زمين جان له سيمې تښتېدلی ، خو وروسته د وسله والو طالبانو له لوري په ټپي حالات کې نيول شوی دى.
داعش ډلې تر اوسه په دې اړه څه نه دي ويلي.
