هند د خپلې مرزي جغرافيې د نقشې لايحې په تړاو د پاكستان اعتراض رد كړى دى. هند ويلي، دا يې كورنۍ مسئله ده او بل کوم هېواد په کې د مداخلې حق نه لري.
هند د خپلې مرزي جغرافيې د نقشې لايحې په تړاو د پاكستان اعتراض رد كړى دى.
هند ويلي، دا يې كورنۍ مسئله ده او بل کوم هېواد په کې د مداخلې حق نه لري.
په ملګرو ملتونو کې د پاکستان استازي پرون د هند لخوا د سرحدي پولو د تثبيت په هدف د لايحې تصويب په اړه اندېښنه ښودلې او ويلي يې دي، چې دغه لايحه به د کشمير لانجمنې سيمې جغرافيوي نقشه نقض کړي.
نوموړي غوښتنه كړې، چې هند دې په نوې نقشه کې کشمير د خپلې خاورې برخه نه ګرځوي.
په ځواب کې يې د هند د بهرنيو چارو وزارت وياند يوکاس سواراب پرون وړانديز شوې لايحه د دوى داخلي موضوع بللې او د پاکستان اندېښنې يې بېځايه بللې دي.
ده په ټينګار سره د کشمير ټوله سيمه د هند يوه نه بېلېدونکې خاوره بللې.
کلید ګروپ په ټویټر او فیسبوک کې وګورئ
