د هلمند ولايت په ګرمسېر ولسوالۍ كې پرون ناوخته د اذربايجان يوه بار وړونكې الوتكه لوېدلې ده. د هلمند د والي وياند عمر ځواک کليد ته وويل، چې دغه الوتکه د امريکايي ځواکونو په هوايي ډګر کې د کېناستو په مهال د تخنيکي ستونزو له كبله غورځېدلې ده.
د هلمند ولايت په ګرمسېر ولسوالۍ كې پرون ناوخته د اذربايجان يوه بار وړونكې الوتكه لوېدلې ده.
د هلمند د والي وياند عمر ځواک کليد ته وويل، چې دغه الوتکه د امريکايي ځواکونو په هوايي ډګر کې د کېناستو په مهال د تخنيکي ستونزو له كبله غورځېدلې ده.
د هغه په وينا، دا پېښه مرګ ژوبله هم لري، خو ده سره يې په اړه كره معلومات نشته.
يوه امنيتي سرچينه وايي، امريکايي ځواکونو د اذربايجان دغه الوتکه کرايه کړې وه او هغوى ته يې اکمالات کول.
رپوټونه وايي، په الوتكه كې سپاره ټول نهه تنه، چې پنځه د اذربايجان، درې د اوکراين او يو د ازبکستان وګړي او د الوتکې پيلوټان او کارکوونکي وو، وژل شوي دي.
د اذربايجان دولتي هوايي چلن ادارې د دې پېښې د څېړلو لپاره يو پلاوى ټاکلى او ټاکل شوې دغه څېړونکى پلاوى نن د پېښې ځاى ته ورسېږي.
کلید ګروپ په ټویټر او فیسبوک کې وګورئ
