د فارياب ولايت مرکز ميمنې ښار كې په يوه بايسکل کې د ځاى پرځاى شوو چاودېدونکو توکو چاودنې ۱۵ تنه ملکي وګړي ټپيان كړي دي. د دې ولايت د والي وياند احمد جاوېد بيدار کليد ته وويل، چې دا چاودنه نن سهار شاوخوا لس بجې د ميمنې ښار په تورغاتي جان بابا څلور لارې کې شوې ده.
د فارياب ولايت مرکز ميمنې ښار كې په يوه بايسکل کې د ځاى پرځاى شوو چاودېدونکو توکو چاودنې ۱۵ تنه ملکي وګړي ټپيان كړي دي.
د دې ولايت د والي وياند احمد جاوېد بيدار کليد ته وويل، چې دا چاودنه نن سهار شاوخوا لس بجې د ميمنې ښار په تورغاتي جان بابا څلور لارې کې شوې ده.
د هغه په وينا، په دې پېښه كې د دوو ښځو او دوو ماشومانو په ګډون ۱۵ تنه ملکي وګړي ټپيان شوي دي.
بيدار زياته کړه، چې ټپيان د درملنې په هدف روغتون ته لېږدول شوي، خو په خبره يې د دوو ټپيانو روغتيايي حالت د اندېښنې وړ دى.
د چاودنې مسووليت تراوسه چا پر غاړه نه دى اخيستى.
کلید ګروپ په ټویټر او فیسبوک کې وګورئ
