د جمهور رئيس محمد اشرف غني په مشرۍ د اقتصاد عالي شورا غونډه پرون په ارګ کې جوړه شوې وه او په يو شمېر مهمو اقتصادي مسايلو يې بحث کړى دى.
د ارګ په خبرپاڼه کې راغلي، چې په دې ناسته کې د کابل بانک د ادغام او يا انحلال، په خصوصي سکټور کې د پانګونې، د غنمو د وارداتو او د هوايي ځواک پيلوټانو ته د مسکن جوړولو موضوعاتو په اړه بحث وشو. د جمهور رئيس محمد اشرف غني په مشرۍ د اقتصاد عالي شورا غونډه پرون په ارګ کې جوړه شوې وه او په يو شمېر مهمو اقتصادي مسايلو يې بحث کړى دى.
د ارګ په خبرپاڼه کې راغلي، چې په دې ناسته کې د کابل بانک د ادغام او يا انحلال، په خصوصي سکټور کې د پانګونې، د غنمو د وارداتو او د هوايي ځواک پيلوټانو ته د مسکن جوړولو موضوعاتو په اړه بحث وشو.
د اقتصاد عالي شورا پرېکړه وکړه، د کابل بانک لپاره بايد واضح طرحه برابره شي، چې پر بنسټ يې د کابل بانک ادغام يا انحلال مشخص شي، مرکزي بانک توظيف شو، چې په دې هکله لازم اقدامات وکړي.
د اقتصاد عالي شورا د هوايي ځواک پيلوټانو ته د مسکن جوړولو او وېش په هکله بحث وکړ او څرګنده يې کړه، چې د هوايي ځواک ټولو پيلوټانو ته بايد سرپناه په پام کې ونيول شي.
جمهور رئيس غني امنيتي او دفاعي ځواکونو ته د سرپناه د برابرولو په اړه وويل، هوايي ځواک ته بايد د مسکن د وېش لپاره جدي پاملرنه او غوره لارې ولټول شي.
په غونډه کې له هند او قزاقزستان څخه د غنمو د پېرېدلو په هکله بحث وشو او د کرنې وزير وويل، افغانستان سږ کال ۲۴۰ زره ټنه غنمو ته اړتيا لري، چې ۱۷۰ زره ټنه يې هند او باقي يې قزاقستان ژمنه کړې ده.
