په هلمند ولايت کې د افغان هوايي ځواك د عملياتو پر مهال د دولت اته وسله وال مخالفين وژل شوي او ۱۱ نور یې ټپيان دي. په هلمند ولايت کې د افغان هوايي ځواك د عملياتو پر مهال د دولت اته وسله وال مخالفين وژل شوي او ۱۱ نور یې ټپيان دي.
افغان ځواکونو دا هوايي بريد پرون ماښام کړی او په وژل شويو کې شپږ تنه پاکستاني وسله وال هم شامل دي.
د هلمند ولايت مقام څخه کليد ته په را استول شوې خبرپاڼه کې راغلې چې بهرنيو وسله والو په سيمه کې د دولت د مخالفو وسله والو د روزنې او د بمونو د جوړولو مسوليت پر غاړه درلود. د خبر پاڼې د معلوماتو له مخې، دا هوايي بريد د لښکرګاه د دوراهي په «کمپرک» سيمه کې شوی دی.
د يوه بل خبر له مخې، نن د ننګرهار ولايت په مركز جلال ابا، د درونټې په سيمه كې هم دوه پاكستاني تبعه چې غوښتل يې د هېواد په يو شمېر سيمو كې وسله وال بريدونه وكړي، موخې ته له رسېدو وړاندې د امنيتي ځواكونو له خوا نيول شوي دي.
تر اوسه وسله والو مخالفينو په دې اړه رسنيو ته څه نه دي ويلي.
