د سولې عالي شورا مرستيال كريم خليلي وايي، افغان حكومت بايد له وسله والو مخالفينو سره د سولې مذاكرات جدي ونيسي او د يوې بين الافغاني پروسې له لارې افغانانو ته سوله راولي. د سولې عالي شورا مرستيال كريم خليلي وايي، افغان حكومت بايد له وسله والو مخالفينو سره د سولې مذاكرات جدي ونيسي او د يوې بين الافغاني پروسې له لارې افغانانو ته سوله راولي.
خليلي چې نن يې په كابل كې يوې غونډې ته خبرې كولې وويل، په كار ده چې د سولې لپاره يو ملي او افغاني تګلاره جوړه او د هماغې له مخې عمل وشي.
د خليلي په خبره، نه بايد د سولې هيله له نړۍ او يا هم د هغو هېوادونو څخه وشي چې په څلور اړخيزو او نورو ناستو كې يې ګډون كړى دى.
د مخكني حكومت دا لوړ پوړى چارواكى د سولې عالي شورا د نوې تشكيل د كارونو په اړه خوشبينې ښيي او هيله مند دى چې د يوه ښه ميكانيزم له لارې به افغانان سولې ته ورسېږي
دا په داسې حال كې ده چې افغان حكومت وايي، جګړه يې لومړيتوب دى او له دې لارې به وتوانېږي چې په هېواد كې د تل پاتې سولې ور پرانيزي.
