په خوست کې د ملي پوليسو ۱۲۰ سرتېري له دوه مياشتنيو مسلكي نظامي زده كړو فارغ شول.
د خوست امنیه قوماندان مل پسوال فیض الله غیرت وویل، دوی د مسلکي زده کړو پروګرامونو په چوکاټ کې د ۱۲۰ پورې پولیسو ته دوه میاشتنې مسلکي نظامي زده کړې ورکړې.
د غيرت په خبره، په دې دوه میاشتني پروګرام کې یې هغه کسان روزلي، چې نوي دې لیکو ته داخل شوي او له پرمخ تللو وسلو او د پولیسو له قانون سره بلد نه وو. په خوست کې د ملي پوليسو ۱۲۰ سرتېري له دوه مياشتنيو مسلكي نظامي زده كړو فارغ شول.
د خوست امنیه قوماندان مل پسوال فیض الله غیرت وویل، دوی د مسلکي زده کړو پروګرامونو په چوکاټ کې د ۱۲۰ پورې پولیسو ته دوه میاشتنې مسلکي نظامي زده کړې ورکړې.
د غيرت په خبره، په دې دوه میاشتني پروګرام کې یې هغه کسان روزلي، چې نوي دې لیکو ته داخل شوي او له پرمخ تللو وسلو او د پولیسو له قانون سره بلد نه وو.
غیرت له پوليسي زده كړو څخه فارغانو ته په وينا كې وويل، دوى دې خپلې دندې ته وفادار پاتې شي او د هرې ستونزې په وړاندې باید د خلکو هوساینې لپاره ځان ډال وګرځوي.
فارغ شوي پولیس هم له خپلو ورسپارل شوو دندو او ترسره کړو زده کړو خوښ دي او وایې، پهدې زده کړو کې ورته د پولیسو قانون او له خلکو سره د چال- چلند په اړه معلومات ورکړل شول.
د خوست د ملي پولیسو د زده کړې مرکز څخه تر دې دمه نهه دورې سربازان فارغ شوي، چې لسمه تعلیمي دوره یې وروستي ۱۲۰ سرتیري وو.
د خوست د امنیه قوماندان په خبره، تر دې دمه یې په ټولو لسو دورو کې ۸۷۰ تنه مسلکي پولیس روزلي.
