د ننګرهار چارواکي وايي، د دغه ولايت سوداګرو ورسره ژمنه وكړه، چې په ننګرهار کې د ښوونځيو د ودانيو او احاطو جوړولو چارې په خپلو شخصي امکاناتو پر مخ وړي.
د ننګرهار ولايت مقام مطبوعاتي دفتر څخه كليد ته په رالېږل شوې خبرپاڼه کې راغلي، چې دغو سوداګرو پرون له والي سليم کندزي سره د جلال اباد په شاهي ماڼۍ کې د ليدنې په مهال ياده ژمنه وكړه.
د ننګرهار والي وويل، چې په دغه ولايت کې سلګونه ښوونځي لا هم ودانۍ او د احاطې دېوالونه نلري، چې زرګونه زده کوونکي په دغه برخه کې له ستونزو سره مخ دي او د دې ستونزې د حل لپاره يې له سوداګرو د همکارۍ غوښتنه وکړه . د ننګرهار چارواکي وايي، د دغه ولايت سوداګرو ورسره ژمنه وكړه، چې په ننګرهار کې د ښوونځيو د ودانيو او احاطو جوړولو چارې په خپلو شخصي امکاناتو پر مخ وړي.
د ننګرهار ولايت مقام مطبوعاتي دفتر څخه كليد ته په رالېږل شوې خبرپاڼه کې راغلي، چې دغو سوداګرو پرون له والي سليم کندزي سره د جلال اباد په شاهي ماڼۍ کې د ليدنې په مهال ياده ژمنه وكړه.
د ننګرهار والي وويل، چې په دغه ولايت کې سلګونه ښوونځي لا هم ودانۍ او د احاطې دېوالونه نلري، چې زرګونه زده کوونکي په دغه برخه کې له ستونزو سره مخ دي او د دې ستونزې د حل لپاره يې له سوداګرو د همکارۍ غوښتنه وکړه .
په ننګرهار کې مېشتو سوداګرو ژمنه وکړه، چې د سوداګرۍ خونې په مټ به ټول سوداګر د همغږۍ غونډې ترسره کړي، چې په ترڅ کې به يې د دغه ولايت د ښوونځيو د احاطو او ودانۍ جوړولو په هدف يو ميکانيزم جوړ کړي.
