د ميدان وردګو والي حيات الله حيات ټولو امنيتي ځواکونو ته لارښونه وکړه، چې د امنيت د ټينګښت لپاره منظم او جدي نظامي تحرکات ترسره کړي. د ميدان وردګو ولايت مقام مطبوعاتي دفتر څخه د خپرې شوې خبرپاڼې له مخې، والي د چهارشنبې په ورځ اونيزه امنيتي غونډه کې د خبرو په مهال وويل، چې ټول امنيتي ځواکونه دې د خپل مسووليت په ساحه کې نظامي تحرکات ترسره کړي، ترڅو د دښمن د فعاليتونو مخه ونيول شي.
د ميدان وردګو والي حيات الله حيات ټولو امنيتي ځواکونو ته لارښونه وکړه، چې د امنيت د ټينګښت لپاره منظم او جدي نظامي تحرکات ترسره کړي.
د ميدان وردګو ولايت مقام مطبوعاتي دفتر څخه د خپرې شوې خبرپاڼې له مخې، والي د چهارشنبې په ورځ اونيزه امنيتي غونډه کې د خبرو په مهال وويل، چې ټول امنيتي ځواکونه دې د خپل مسووليت په ساحه کې نظامي تحرکات ترسره کړي، ترڅو د دښمن د فعاليتونو مخه ونيول شي.
حيات ټينګار وکړ، چې امنيتي ځواکونه بايد خپلې ټولې کړنې د قانون په چوکاټ کې ترسره كړي او د عملياتو په مهال د ملکي خلکو ژوند ته جدي پاملرنه وکړي.
امنيتي غونډه د ميدان وردګو د والي په مشرۍ ترسره شوه، چې په كې د ولايتي شورا رئيس، امنيه قوماندان، د ملي امنيت رئيس، د ملي اردو د څلورمې لېوا قوماندان او يو شمېر نورو مسوولينو ګډون کړى و.
په دې غونډه کې د لومړۍ او دويم نمبر لويې لارو پر امنيتي مسايلو بحث او خبرې او همدارنګه د ځينو مهمو مسايلو په اړه پرېکړې وشوې.
کلید ګروپ په ټویټر او فیسبوک کې وګورئ
