په خوست كې نن چهار شنبه په اسلامي نړۍ او په ځانګړي ډول افغانستان كې د افراطيت له كبله د راټوكېدلو ستونزو په اړه دوه ورځنى علمي سيمينار پيل شو.
په دې سيمينار كې شاوخوا ۲۰۰ مذهبي علما، قومي مشران، مدني فعالان، ښځې او ځوانان برخه لري .
د دې سيمينار ګډونوال وايي، په افغانستان کې روان ناوړه وضعیت د افراطیت لامل بولي او د دغه ناوړه پدیدې د له منځه وړلو په خاطر د اسلامي او عصري زده کړو دودول اړین ګڼي. په خوست كې نن چهار شنبه په اسلامي نړۍ او په ځانګړي ډول افغانستان كې د افراطيت له كبله د راټوكېدلو ستونزو په اړه دوه ورځنى علمي سيمينار پيل شو.
په دې سيمينار كې شاوخوا ۲۰۰ مذهبي علما، قومي مشران، مدني فعالان، ښځې او ځوانان برخه لري .
د دې سيمينار ګډونوال وايي، په افغانستان کې روان ناوړه وضعیت د افراطیت لامل بولي او د دغه ناوړه پدیدې د له منځه وړلو په خاطر د اسلامي او عصري زده کړو دودول اړین ګڼي.
په سيمينار كې مولوي محمد كريم د افراط او تفريط په اړه وغږېده: (( اسلامي هدايات او ارشاداتو نه زياتوالى افراط او كموالى يې تفريط دى.)
په دغه علمي کنفرانس کې د مصر جید دیني عالم دوکتور محمد احمد الفتحي هم برخه اخستې او سيمينار ته يې د لومړۍ ورځې په وينا كې وويل، په اسلامي نړۍ او په ځانګړي ډول افغانستان کې د شته بې علمۍ په نتیجه کې زیاتې ستونزې راټوکیدلي، خو په مقابل كې يې ټولو ته په كار ده چې خلك هره ستونزه او مسئله باندې د اسلام له نظره ځان پوه كړي: (( اصل علت يې جهالت او ناپوهي ده، كله چې د نبي ص كريم زمانه وه، يا ورپسې، ورپسې او ورپسې هلته د علم روښنايي مكمله وه، نو دا تشدد او افراطيت نه و او ان هېڅ نه ليدل كېده. خو له هغې وروسته چې د نبي كريم ص له زمانې سره واټن راځي جهالت اضافه شوى، كله چې جهالت وده كوي، نو د تشدد او افراطيت لپاره زمينه خپله برابرېږي.))
سيمينار ته په وينا كې د خوست والي بیا په نړۍ کې روان افراطیت ته اشاره وکړه او د ځینو هیوادونو یا اشخاصو هغه خبرې یې رد کړې، چې ګواګې افراطیت په اسلام پورې تړي.
دی وایې، هغه اسلامي ډلې چې افراط کوي د همدې نړیوالو هیوادونو لخوا د خپلو ګټو په خاطر تمویلیږي.
بايد وويل شي چې د افراطیت د پیژندلو دوه ورځنى پروګرام د فورم په نوم ادارې جوړ کړی دی، چې موخه یې په هیواد کې د مختلفو ستونزو هواری دی.
