د پاکستان په ستر سوداګريز ښار کراچۍ کې د پلټونکو عملياتو په مهال د يو ځانمرګي بريد كوونكي په ګډون دوه ترهګر وژل شوي دي. پوليسو ويلي، چې ياد ترهګر يې د کراچۍ کشمير کالوني سيمه کې په يو کور کې تر نښتې وروسته ووژل.
د پاکستان په ستر سوداګريز ښار کراچۍ کې د پلټونکو عملياتو په مهال د يو ځانمرګي بريد كوونكي په ګډون دوه ترهګر وژل شوي دي.
پوليسو ويلي، چې ياد ترهګر يې د کراچۍ کشمير کالوني سيمه کې په يو کور کې تر نښتې وروسته ووژل.
له وژل شويو يو شمېر وسلې او په چاودېدونکو توکو کې کارېدونکي څيزونه هم ترلاسه شوي دي.
د کراچۍ ځانګړو پوليسو ويلي، چې له ترهګرو ترلاسه شويو ځانمرګو واسکټونو ته يې چاودنې ورکړې دي.
پوليسو نه دي ويلي، چې وژل شوي کسان د کومې ډلې اړوند وو.
بايد ياده شي، چې په کراچۍ کې د يو شمېر وسله والو ډلو ترڅنګ په هدفي وژنو کې هم له تېرو شلو کلونو راهيسې زرګونو کسانو ته مرګ ژوبله اوښتې ده.
کلید ګروپ په ټویټر او فیسبوک کې وګورئ
