په پیښور کې په یو پوځي بس موټر کې درنې چاودنې ۱۵ کسان وژلي او له پنځوسو ډیر يې ټپیان شوي دي.
روغتون چارواکو په ټپیانو کې د ځینو حالت نازک ښودلی دی.
پیښه نن سهار د پیښور سنهري جومات ته څیرمه سړک کې را منځته شوې ده.
پولیسو ویلي، چې اته کیلو ګرامه وزني بم د ډریور سیټ لاندې ایښودل شوی وو.
په پیښور کې په یو پوځي بس موټر کې درنې چاودنې ۱۵ کسان وژلي او له پنځوسو ډیر يې ټپیان شوي دي.
روغتون چارواکو په ټپیانو کې د ځینو حالت نازک ښودلی دی.
پیښه نن سهار د پیښور سنهري جومات ته څیرمه سړک کې را منځته شوې ده.
پولیسو ویلي، چې اته کیلو ګرامه وزني بم د ډریور سیټ لاندې ایښودل شوی وو.
یاد بس د مردان ولسوالۍ شیرګړ سیمې څخه مرکز پیښور ته روان وو، چې نن سهار شاو خوا اته نیمې بجې د سنهري جومات ته څیرمه پکې زوروره چاودنه وشوه، چې په نتیجه کې یی پنځلس کسان ځای په ځای وژلي او له پنځوس ډير ټپیان دي، چې په ټپیانو کې ښځې او ماشومان هم شامل دي.
تر چاودنې وروسته یاد بس په بشپړ ډول له منځه تللی او ژغورونکو د بس تر اره کولو وروسته ټپیان او مړي ور څخه ایستلي او روغتون ته یې انتقال کړي دي.
تر اوسه د چاودنې مسئولیت کومې وسله والې ډلې نه دی منلی.
