خوست ته له مرکز کابل څخه د هاکي فدراسیون عمومي رئيس تللى دى او د دې لوبې حالت یې له نیږدې وڅاره.
په خوست کې د هاکي لوبغاړي او د همدې برخې مسول چارواکي د نورو لوبو په څير د هاکي لوبه هم مخ په ښه کیدو بولي.
دا چې په خوست کې دا لوبه یو څه نوې ده، نو لوبغاړي یې د ځینو ستونزو یادونه کوي او وایې، چې له دې لوبې سره مینه لري، خو که کار ورته وشي، دا برخه به نوره هم ښه شي.
خوست ته له مرکز کابل څخه د هاکي فدراسیون عمومي رئيس تللى دى او د دې لوبې حالت یې له نیږدې وڅاره.
په خوست کې د هاکي لوبغاړي او د همدې برخې مسول چارواکي د نورو لوبو په څير د هاکي لوبه هم مخ په ښه کیدو بولي.
دا چې په خوست کې دا لوبه یو څه نوې ده، نو لوبغاړي یې د ځینو ستونزو یادونه کوي او وایې، چې له دې لوبې سره مینه لري، خو که کار ورته وشي، دا برخه به نوره هم ښه شي.
د هاکي لوبغاړی ممیز جان د هاکي مجهز لوبغالي نشتون مهمه ستونزه یادوي او وايی، چې اوس دوی په داسې لوبغالو کې لوبې کوي، چې د دې لوبې لپاره مناسب نه دي، خو اړ دي، چې د خپلو تمرینونو ترسره کولو لپاره په همدې لوبغالو کې لوبې وکړي.
د خوست د هاکي فدراسیون مشر محمد اسماعیل هم مني، چې د هاکي لوبې لپاره کار نه دی شوی.
هغه هم د میدان نشتون هغه ستونزه یاده کړه چې ددوی لوبې یې له كبله اغیزمنې شوي.
خو په ورته وخت کې وایي، چې د دوی د ډیرو هڅو پایله ده، چې د هاکي په ملي لوبډله کې د خوست د ځوانانو ونډه ښه ده.
د افغانستان د هاکي فدراسیون عمومي مشر سید مصطفی سعادت وایي، چې پدې ولایت کې د هاکي لوبې ډير پرمختګ کړی او پلان لري، چې د افغانستان په ملي لوبډله کې هم دوی ته ډيره ونډه ورکړي.
مصطفی سعادت همدا راز د هاکي د لوبغالي د جوړیدو ژمنه وکړه او په ورته وخت کې یې وویل، چې دهاکي فدراسیون د خوست ولایت لپاره ښه پروګرامونه لري.
د افغانستان د هاکي ملي لوبډله تر اویا پورې لوبغاړې لري، چې د هیواد د نورو ولایتونو په پرتله پکې د خوست لوبغاړو کچه زیاته ښودل شوې.
هاکي لوبه د هغو لوبو له ډلو یوه ده، چې په خوست ولایت کې یې لوبغاړي او مینوال د نورو لوبو په پرتله کم خو لاسته راوړنې يې بیا تر بلې هرې لوبې زیاتي بلل کیږي.
کلید ګروپ په ټویټر او فیسبوک کې وګورئ
